周嘉洛陳瀅講多錯多

周嘉洛露股，陳瀅口水長流，可說浪漫刺激，亦可稱“為藝術犧牲”或豁出去。咁搏——他倆會成為視帝視后麼？從一段訪問中，可找到答案……

打扮性感的陳瀅，排衆對傳媒爆料：“一場被嘉洛掌摑戲份，原定借位拍攝，不料正式埋位時，對方竟出盡力摑我，一時反應不及，點知佢真係打落來，頓時眼濕濕……”話到此處，如果一語作結，觀衆有眼福了，戲真情真……

不料，陳瀅口水多過浪，滔滔自我踢爆：“我未試過畀男人打，嗰下真係出咗戲。（唔還手？）因為當時唔熟，如果熟咗之後拍，我會打返佢之後再拍！”

——嗰下真係出咗戲！此語千斤重，陳瀅是演員，今回自瘀而不自知。演員至緊要“入戲”，竟然“出戲”入不到角色，弦外之音，陳瀅演自己而已；而且非常清醒，“熟咗之後，會打返佢至拍”。

周嘉洛表示即時向陳瀅道歉，又指從未打過女人，反而試過太眼瞓而打自己。周嘉洛此言，也疑涉有失演員專業之嫌。竟然忘了演痞子，清醒地保持紳士風度。男女主角“不打自招”，演戲時沒有“入戲”。竟然忘記導師們的諄諄警誡，面對傳媒，千祈千祈唔好亂講嘢。

大師爾冬陞曾當衆教訓一位新晉影后——講咁多私隱，影響你的藝術前途的。話說“靚靚”因演窮家女榮膺影后，她慶祝時說：“我花了二千萬買豪宅奬勵自己……”正要多謝恩師爾冬陞時，回應一聲長嘆，你咁富貴，以後還會有導演找你演窮家女麼？“靚靚”之後戲路都是富貴逼人。

掌摑、吻戲，這類娛聞不會發生視帝、視后身上的，都是“小兒科”的演技程式。視后曾說，巨掌都是擦面過，啪一聲巨響自己拍掌的。

至於濕吻戲，一字咁簡單，四唇相貼，各自喃喃自語，看似纏綿悱惻了。演技，有技巧的。錯打，亂吻……修哥、四哥幾十年的影視生涯中都不會發生。

高 梁