陳明憙水中親熱唔尷尬

歌壇新人陳明憙(Jocelyn)日前推出新歌《放下的頻率》MV，這是她“音頻治療單曲系列”第四部曲。MV中Jocelyn與男主角非常親密，除了接吻戲，二人齊齊落水非常溫馨：“我其實好少演出自己嘅MV，呢次都好辛苦，因為旣要打交又要錫錫，一時甜蜜一時分手，情緒起伏好大。其中落水戲都好辛苦，要睇住個妝有冇溶，又要笑住咁望鏡頭，明明啲海水好醃眼都要扮冇事。大家都知道係拍攝工作，所以親密動作都唔會尷尬，事前都夾好晒位，所以好快搞掂收貨。”

新歌講放下，陳明憙話甚有難度：“我係金牛座，所以比較長情啲，要放低祝福舊愛都好難。今次我都邀請咗啲藝術家，用佢哋嘅方法去表達放下嘅感覺，嚟緊都會有藝術展覽，遲啲就會話畀大家知。”二人在MV中大吵大鬧，水晶小擺設被摔倒，她說現實中唔任性，平時唔會亂掉嘢發洩：“我份人好理性，即使幾Hurt都好，都唔會亂掉嘢！因為依家係自己住，掉完咪又係我自己執返，仲驚啲貓貓整親口添。”