黃凱芹認周慧敏最佳拍檔

黃凱芹(Chris)將於紅館舉行卅五周年演唱會，日前他作客TVB娛樂新聞台節目《StarTalk》，接受許文軒(Edmond)專訪，透露下次想搵拍檔做一個雙人演唱會。卅五年來外形變化不大的Chris，透露平日沒有特別Keep Fit，但飲食方面唔會食肥膩食物、唔食宵夜，以及有適量運動：“好鍾意游水，因為游水帶氧運動有幫助，可以塑型。唔知係咪男人去到某一個年紀就唔顧身世，不修邊幅，我平時唔可以話係爛撻撻，但會係一個好隨意嘅人。”

Chris直言跟周慧敏合作多年，擁有強烈CP感：“我哋因為電台而認識，我仲早佢幾個月入電台，好開心聽眾好受落，變咗電台嘅最佳拍檔，引伸到舞台上音樂上都係最佳拍檔，CP感好重，我哋合唱嘅歌，如果搵另外一啲人唱好似唔得咁。其實卅五年已經賺咗，我要做嘅嘢已經做過，我拍過劇、做個主持、出過好多唱片、演唱會，我仲搞過舞台劇，如果卅五年之後，可以搵一個拍檔做一個雙人演唱會就好！”