陶醉拼盡推翻一切

澳馬今日開鑼，祝君旗開得勝！上屆冠軍馮耀正今仗只兩駒參戰，志不在此。馮廄馬上季拼搏不少，戰駒於季初要回氣，料唞夠再搏。另路人馬錢健明強陣出擊，今仗六駒列陣，不乏爭勝分子，值得重視。

錢健明上季一直領先，惜季尾馬房兵變，戰駒流失致實力削弱，臨尾被對手反先屈居亞軍。今日開鑼賽錢廄強陣應戰，兵分多路搏殺，務必攞頭彩，馬迷對此廄馬可另眼相看。

第一場：四班千二米。“如詩如畫”上季尾同程闖入連贏，直路走勢極吸睛。小休復課重新打磨，論馬匹狀態比上季更佳。此駒實力未用盡，此仗操足再來，改配劉永康配搭增強。此子騎錢廄馬交得準，憑騎練夾檔，冀替馬匹打開新季勝門。

第三場：二班千五米。“陶醉”上季尾千五米力拼入位，此役未竟全功，但負重磅出戰表現算好。拼後小休重新打磨，原配高君濤主轡戰鬥力強勁。“陶醉”中距離路程較適應，此雙人馬有多次合作經驗，可算老搭檔。今次負磅減壓，形勢未算吃虧，拼盡可推翻一切。

第五場：未勝出馬千二米。“越戰越勇”上季尾同程力拼第四，走勢開始轉好。休後重新打磨，操好加強配搭再來擺明有計。此駒質新未見底，現居此組作賽應有着數。今次續跑千二米應合發揮，用劉永康操刀配搭增強，憑馬勇路合，有力開齋。