大李成昌七歲

薛家燕自爆拍吻戲面紅

薛家燕昨日出席商場活動，她表示大年初一已收到驚喜，歲半的乖孫已學識用普通話向她拜年。另外，她又自爆在賀歲劇中將與李成昌有接吻戲，個心卜卜跳，雖然年紀大，但她笑言仍有如少女心，會面紅的。

昨日，七十二歲的薛家燕率領麥美恩、江嘉敏、朱智賢等《黃金萬両》演員出席商場宣傳活動，仍活力十足。她受訪時表示：“我都有好多年冇拍劇集了，今次演這套賀歲劇，好多朋友及粉絲都話睇到好開心，還帶挈我接了多個登台騷。”之後，家燕姐自爆在這部劇中，她與六十五歲的李成昌將會有Kiss戲。她笑言；“唔知觀眾到時有乜反應，但李成昌拍的時候就搞笑話若果拍得激，都可以遷就我。他笑言激烈又得、蜻蜓點水又得。其實我內心想激烈啲……哈哈。這個鏡頭我們拍了幾次，都幾好玩，但不知道播出來後導演是怎樣剪的。（拍的時候有乜感覺？）個心卜卜跳，雖然年紀大，但仍有如少女心，會面紅，總之觀眾睇得開心就得。（你上次拍Kiss戲的對手是誰？）都忘記了，唔知係曾江抑或黎小田？”

疫情緩和，在劇中演大少奶的麥美恩笑言近日報復式拜年：“由於父母今年返港度歲，呢幾日我和他們都不停四出向親友拜年，最開心係(扌+豆)利市，我報復式拜年，真係好似打劫咁，今年的利市進賬真的不錯。”

朱智賢被問到今年可有到男友謝東閔家中拜年？她表示：“這些年我都有到他的家中拜年，（可有被催婚？）又冇噃。其實我係事業型的人，會將工作放於首位，至於何時結婚，順其自然啦！”