肥媽爆鼎爺當年追女招數

無線推出新飲食節目《肥媽李鼎》，由肥媽、李家鼎、游嘉欣主持。昨日，三人齊為這節目錄影。

肥媽受訪時笑言：“我除咗同鼎爺介紹新菜式外，喺節目中亦會互相爆料，當年我係睇住鼎爺點樣追施明的，想知鼎爺點樣追女，就要留意呢個節目。”記者問鼎爺又會爆肥媽甚麼“黑材料”？他表示：“我點敢得罪肥媽，唔會爆黑材料，只係講吓我哋一路以來起起跌跌，點樣捱苦。”

游嘉欣可以參與肥媽和鼎爺主持的飲食節目，坦言好開心，因為自己平日最為食。問她可有感到壓力？她笑言：“我係抱住嚟偷師嘅心態做節目的！（你嘅廚藝又點樣？）雖然我好少下廚，但自覺都識煮返兩味。”