陳柏宇同囡囡去街賣甩老婆

陳柏宇日前拍攝由昂坪360舉辦的《360°天際柏住唱》，在“全景纜車Crystal+”車廂中唱出多首情歌，其中包括百萬點撃作《有天》。被問到同《THE FIRST TAKE》版本有何分別，Jason指在纜車上唱歌有另一種滋味：“好有衝上雲霄嘅感覺，唱嗰一刻真係喺天度，真係好啱喺呢度唱。”他表示呢日忘記帶耳機演出，笑指車廂唱歌的環境與錄音室相似：“因為纜車唱歌冇觀眾，而且車廂都冇咩回音，配埋咁開揚嘅景觀，成個感覺都好特別。”

陳柏宇仲賣口乖話，想同家人嚟多次郊遊，不過出口術話同囡囡“拍拖”唔帶老婆同行：“其實我都想同囡囡搭吓纜車，上次一齊嚟都已經係年半之前，當時車廂都冇咁靚同整塊透明玻璃，佢依家四歲再嚟，應該識好多嘢嘅年紀，我估佢會好開心，不過太太就有啲畏高，依家剛剛生完唔好嚇佢啦。”