相隔六年再會星洲歌迷

草蜢新加坡巡唱嗨翻天

“RE:GRASSHOPPER 草蜢巡迴演唱會”已先後到過台灣、美國舉行，早前，草蜢三位成員蔡一智、蔡一傑、蘇志威再飛到新加坡室內體育館，繼續舉行草蜢的這次世界巡唱。

本月六日，草蜢的“RE:GRASSHOPPER草蜢巡迴演唱會”在新加坡室內體育館舉行，全場五千八百觀眾High翻天，整晚跟着草蜢一起跳、一起唱，完騷後三子更一起接受訪問。

蔡一智表示：“估唔到我哋一開場，第一粒音，全場已經好Crazy咁跟住唱足三個鐘，冇停過，真係好犀利，亦都畀到我哋好大力量。”旁邊的蔡一傑補充說：“上次喺新加坡開騷，已經係六年前了。今次新加坡歌迷盡興，我哋又好開心。”蘇志威也十分認同：“有佢哋嘅掌聲、尖叫聲支持，我哋出盡一百二十巴仙嘅體力。”

六年未有到新加坡開騷，草蜢三子除了掛念歌迷，亦掛念當地的美食。蔡一智說：“我哋開騷前拍咗條片放喺社交網站，因為講咗句掛住新加坡嘅美食，我哋由落機一刻起，不停收到歌迷送嚟美食，而家我間房，有十幾個班蘭蛋糕，仲有海南雞飯。”

提到今次演唱會最難忘之事，蔡一傑馬上面露尷尬表情，他說：“我哋有一個環節，要將禮物拋去觀眾席送畀歌迷，可能當時我戴住手套，拋嘅時候甩手，成袋禮物撞向歌迷塊面，嗰一刻，又好笑，又尷尬，我喺台上不斷同佢講對唔住。”

除了尷尬事件，新加坡歌迷的熱情，同樣令草蜢印象深刻，蔡一智說：“今晚歌迷玩人浪，係可以媲美香港觀眾，因為新加坡三面台，要U字型做人浪，難度高好多，佢哋連續幾首慢歌無間斷玩人浪，真係要畀掌聲新加坡歌迷。”

蘇志威說：“嚟緊我哋七月會去雲頂巡唱，馬來西亞嘅朋友撲飛要快手了。當然我哋都好歡迎香港、台灣嘅歌迷，一齊去馬來西亞睇我哋嘅演唱會！”