甲足重燃戰火

賓菲加爭摘“星”

【本報消息】本地甲組足球聯賽，事隔兩周後今晚在氹仔運動場重燃戰火。次席賓菲加九時迎戰榜尾台星，賓菲加人腳實力有明顯優勢，睇好聯賽延續勝軌。

賓菲加上月中硬撼蒙地卡羅贏得重要三分，現時以更佳對賽搶得次席。賓菲加人腳實力比台星好，射手丹尼爾經過半季適應，近幾場比賽常有士哥，連同梁智誠、梁灝然、費爾達斯及陳敏支援進攻，賓菲加火力有保證。後防靠門將奧利華拉、羅倫斯等扼守同樣夠穩健。台星在上周足總盃，面對BARBIE聯樂，台星守出漂亮一仗，不過今場鬥賓菲加，實力上有較明顯差距，賓菲加對今場三分有望順利搶到手。

恆勢早場撼士砵亭

七時有恆勢鬥士砵亭。兩軍上一戰足總盃同樣大敗而回，不過論今季聯賽表現，恆勢則稍稍佔優，兩隊首循環碰頭，恆勢已先贏一仗，前線保羅、黃振聲掛帥，配合P柏度支援，恆勢人腳亦不差。不過士砵亭在聯賽有回勇跡象，對上一戰聯賽大勝加義脫離榜尾，謝薩斯、法迪、黎國豪等主力領軍，士砵亭或有力繼續在聯賽搶分。