維港智慧不勝無歸

澳馬戰火重燃，今晚上演五場沙地賽，頭場七點○五分開跑。騎師普健士今起停賽兩日，其餘由上仗原班人馬出戰。綜觀大局，全晚出馬不多，場面較平淡。但馬少形勢緊湊，膽易配難局面，暗湧重重，賽果熱倒冷爆不為奇。

筆者心水推介，第三場二班一○五○米，林宏基廄“維港智慧”可做馬膽。此駒上仗負重磅跑一三五○米，沿途快放頂住第三，人馬表現算好。拼後小休重來，今次縮程續戰，磅位減壓，力足爭勝。

“維港智慧”由基廄接手後七戰取四冠三季，表現好到冇得頂。此駒跟得鬥得，沙地演出準繩。五歲馬大熟當打，走勢日益進步。拼後重新打磨，今次居二班作戰對手減弱，轉跑短途首本路尤合發揮。今仗比上次少負五磅，論形勢有利，憑張志立駕輕就熟，不勝無歸。