田中正一醒目執生

旺門騎師普健士上周停賽無緣上陣，日將中野省吾及田中正一趁機發圍。前者上周五連中三元一枝獨秀；後者於周六搏殺喜中孖寶，成績互相輝映。近年本地騎師好手不多，季尾前來客串的幾位新人表現只中規中矩。騎師人手際此凋零時期，兩位日將中野省吾及田中正一便可大派用場。前者近期炙手可熱，每仗座騎不愁寂寞。田中正一獲支持度亦不差，此子年屆四十身手依然硬朗，留放及取位頗見功夫，來澳四年總算搵到啖食。此子現取二十W乃近季最佳，本季尚餘兩個月，料可打破在澳一季贏馬最多紀錄。

田中正一策騎線路不及中野省吾廣泛，尤其外籍倉口較少交易，只受多個華人馬房支持。陳俊輝、馮耀正及蔡鎮威俱有馬供其搏殺，騎者亦可交到功課。陳俊輝更視田中為馬房殺手，騎練迄取六W合作無間。馮耀正同田中正一拍檔亦有收獲，“祥駒”季內交田中贏過一場。此駒前仗打吡預賽徐錦輝主轡捧成熱門，該仗快馬唔識出閘，敗得一塌糊塗。“祥駒”上周六復配田中正一出閘搶先，全程一氣呵成走返，贏來易如反掌，可見騎者放馬是有功夫。同日“微妙玄通”照辦煮碗出閘搶放，沿途自造步速，全程頂住高君濤“延安龍”而走，一口氣直帶到尾，贏得清脆俐落。假若當日“微妙玄通”不放頭而留，頭馬或被“延安龍”所奪。田中正一此役跑法醒目，陣上識得執生，值得一讚。