龍之諾一放迄終

今日五場草地黃昏馬，在移欄八米跑道角逐。是仗無外地馬轉播，頭場下午四點正響鑼。騎師普健士、張志立及劉傲停賽。綜觀大局，今仗出馬不多，但形勢緊湊，混戰局面暗湧重重。賽前連場大雨料場地會起變化，揀馬投注小心推敲。

筆者心水推介，第二場四班千五米，譚文就廄“龍之諾”可做馬膽。此駒季內八戰無寸功，現評分已減，居此組有利可圖。今次交中野省吾操刀配搭增強，值得優先考慮。

“龍之諾”六歲馬外地十戰獲兩冠三亞，戰績不差。來澳後適應本地環境較慢，最近一場同程拼得梗頸四，中野省吾放至埋門力弱，表現不算差。賽至季末仍未開齋，練者亦心急要贏馬。上仗牌仔跑千八米全程外疊蝕盡腳程，但敗未脫節，拼後回師千五米尤合腳法。此駒前速夠快，今處四班作戰對手無多，排三檔亦好位，憑中野省吾精靈跑法，出閘搶先隨時一放迄終。