關智斌自爆愛着皮底褲

由李思捷主持及監製的《思家大戰》第三季，本周日將播出新的一集，由關智斌(Kenny)率領“艾泳斌Gin震”隊，成員包括Gin Lee、泳兒、沈震軒和Elly艾妮，對戰涂家堯率領的“中年淘汰郎”隊，成員包括梁浩銓、曹敏寶、李思林和魏嘉信。 Kenny 甫出場即獲思捷大讚保養得宜：“望住你好似仲係廿歲咁！”入行廿年的Kenny遂公開保養秘訣：“我都係晚晚食吓補品咁囉，特別係銀杏補腦，係為咗今晚節目！”是集的問答環節同樣笑料連場，其中一條問題“第一次去另一半屋企過夜會買啲乜？”Kenny 即答：“內衣褲！”思捷即追問他平時買甚麼類型內衣褲？Kenny竟口快快自爆癖好：“男仔都可以若隱若現，或者有少少皮嗰啲，唉，唔好再講咁多喇！”另一隊的魏嘉信則無厘頭說：“絲襪。”思捷聞言即時嚇到呆咗，魏嘉信此時化身冷面笑匠解釋說：“用嚟沖絲襪奶茶呀！”

另一條問題係“男歌手喺台上表演時，有咩生理反應出現會令佢好尷尬？”泳兒零秒搶答後，即怕醜地回答說是某個身體部位脹大，思捷即好奇追問：“點解會脹大？”泳兒再笑說：“因為唱歌興奮！”引來全場爆笑。