帶開光銅錢紅底褲闖日本鬼屋

周吉佩：好想畀李佳芯調教

昨日，周吉佩（吉吉）出發飛往日本，將在當地與李佳芯一起拍攝無線旅遊節目《日本18種住法》，一班周吉佩的粉絲特別安排巴士，接載偶像到機場，令吉吉開心又感動。周吉佩說此行會逗留十一日，期間會去京都、東京及四國拍攝。

昨日是開學日，吉吉說因心情緊張，早上五點幾才入睡，之後起身送大女返學，而細仔則由外母陪同返學。送完小朋友返學便收拾行李準備出發。談到他的一班粉絲特別準備巴士送他到機場，吉吉坦言無諗過他們準備巴士又拉橫額支持他，但回港時在凌晨時分，未知粉絲可會來接機。

吉吉首次拍攝TVB旅遊節目，他說節目並非吃喝玩樂，而是去捱世界，體驗生活：“我會去凶宅、網吧、納米樓同貧民窟，自己都好嚮往呢類生活體驗，前一晚緊張到瞓唔着。”他又透露，太太為他準備了已開光的銅錢護身，任何時候，甚至洗澡也不可除下。他笑指太太好迷信，但認為寧可信其有，所以都帶備了紅色底褲前往。記者問他：“到訪日本期間，可會吃魚生？”他說：“我好鍾意食，但太太叫我唔好食，咁我都鍾意食拉麵嘅！”

吉吉說此行帶備結他，在節目中唱歌表達感受。會否跟李佳芯(Ali)合唱？他笑說：“都好想同Ali合唱歌曲《小幸運》。（她因唱《小幸運》而被封為“魔音”，事前可有叫對方練歌？）唔使啦，佢咁專業，唔需要調教對方，反而係Ali調教我，因為自己好少做旅遊節目經驗。”