林家謙想同Do姐浸浴

由Do姐（鄭裕玲），以及五位小鮮肉林家謙、應智越、TysonYoshi、洪嘉豪、魏浚笙主持的HOYTV新旅遊節目《去邊啊Do姐》，將帶觀眾遊覽歐亞。前晚第一集播出，率先由Do姐、林家謙出鏡。家謙一路上難掩其“家mean”腹黑本性，雖然笑容滿面，不過嘴巴就好大膽，不時偷偷窒Do姐。二人入住特色酒店時，Do姐對環境相當滿意，但挑剔的家謙面無表情回覆“OK嘅”，Do姐於是反擊：“奄尖聲悶，呢啲咁嘅處女座……”

不過，事後Do姐都不忘補返句“女處女座同男處女座唔同嘛”。二人參觀酒店的室內溫泉時，家謙口花花邀請Do姐一齊浸溫泉，更表示“節目組同我講可以同Do姐浸溫泉”，口沒遮攔。Do姐與林家謙兩個處女座，又去到日本立川行市集、入住特色溫泉酒店兼食靚和牛。Do姐帶家謙到一間酒吧餐廳試菜，又請家謙飲Vodka。餐廳內有一部全球限定十八部、價值兩千萬円的鋼琴，家謙非常識做，即席彈奏一曲，指明“送畀現場其中一位處女座”，Do姐一向欣賞家謙才華，當場聽到心心眼。