首部國片影響深

中國電影史載，《定軍山》是中國首部電影。查實此乃定機拍攝整部京劇，係舞台記錄片。真正編劇攝製之首部電影，係一百一十年前今日於上海上映之故事片《難夫難妻》。故史上有稱，此方為中國電影之始。

上映當天，上海《申報》大字標題：“開映從來未有之中國影戲；此中國演劇攝入片中，洵為海上破天荒第一次也！”其時電影乃時髦之物，國能產之，當為矚目，由是舉國哄動，萬人空巷。

昔日南粵潮州奉行盲婚啞嫁，男女洞房之夜方見真容。日後生活連串矛盾，雙方家長難免捲入旋渦。門外兩家劍拔弩張，房內小夫妻卻因憐生愛，其反封建買賣婚姻，於當時影響甚大，時評曰：“影戲之力，不在小也。”

新生之始，自是原始簡陋。露天為場，白幕為景，紙紥道具，一部機擺定定，拍晒菲林為止。其時未嘗有場記，同一場景，換好菲林再拍，演員隨時着錯衫。於觀眾言，亦無傷大雅，有公仔睇得矣！

西門公子