馬國明最難忘婚禮上跳舞

日前與湯洛雯在泰國舉行婚禮的馬國明，前晚春風滿面亮相。他首先感謝大家送給他與妻子的祝福，又自爆結婚當天真的好開心，簡直開心到喊。被問到婚禮上有甚麼難忘事情時，他表示：“有好多事都好難忘，好似喺婚禮上跳舞啦！我以前一向好怕跳舞，因為跳得唔好嘛。但今次婚禮上跳，又覺得幾享受噃！再配合當時現場氣氛，真係好享受囉。（在泰國時有冇努力造人？）唔講呢啲，生兒育女嘅事，等上天安排啦。（生育計劃中想生多少個？）一個起兩個止啦。（你咁快又返工，係咪已經要賺奶粉錢？）唔係，總之呢方面一切隨緣啦！（點解你今日冇戴結婚戒指？）我擔心跌咗會畀老婆鬧！（想去邊處度蜜月？）老婆想睇北極光，返去度一下工作安排，睇吓可唔可以去到啦！”