農曆新年不忘運動

疫情已過，社會復常，大批旅客訪澳，今個新春市面更顯熱鬧。人們歡聲笑語，相互祝賀，祈求新一年身體健康，事事順境，經濟再次起飛，做生意的賺到笑，打工仔升職加薪，人人笑逐顏開。

新春期間，居民主要活動就是拜年，到訪親朋戚友家，小朋友當然最開心，可以利市，品嘗各式賀年食品，年糕、蘿蔔糕、煎堆……全皆美味可口。只是應節食品大部分高油、高脂，且糖份較高及煎炸。十多日的春節假期，欠缺督促隨時“食、瞓、玩”每日重複上演，宅在家中好易心廣體胖，橫向發展。唔想回到學堂肥咗“成個碼”，穿着校服有“壓迫”感，新春假期緊記繼續運動，向懶惰說不。

農曆新年假期，市面各項慶祝活動一浪接一浪，昨日就有“步步高陞慈善登塔日”賀新歲、“新春康體嘉年華”及“新春單車行大運”，既可做運動，又可感受新春的熱鬧氣氛。即使錯過了上述活動，學子們仍可相約三五知己出外“動起來”，跑步、踩單車、行山登高等，皆有新一年行大運的寓意，亦可相約波友們在籃足球場出一身汗，齊齊運動過一個健康充實的農曆新年。

賈大廚