王祖藍啜葉子楣等咗四十年

《獎門人感謝祭終極篇》昨晚播出，今集是本季《獎門人》最後一集，獎門人曾志偉率領歷屆獎老大曬冷，包錢嘉樂、林曉峰、阮兆祥、金剛、麥美恩、林秀怡和林正峰；嘉賓陣容同樣鼎盛，有苗僑偉、葉子楣、謝天華、黃翠如、陳山聰、洪天明、朱晨麗、梁競徽、《中年好聲音2》隊及《福祿壽訓練學院》隊。

葉子楣原來首度上《獎門人》，她玩啜乒乓波遊戲時，忘情伸脷，十分落力。與她“對啜”的王祖藍，開心搞笑謂：“子楣姐，我等咗四十幾年呀，就係等呢一刻！”

郭珮文貫徹天然呆本色，歎慢板慢動作啜乒乓波，樣子搞笑。之後上演 1 Vs 1對決，以PE衫亮相的郭珮文打頭陣，一眾男嘉賓即踴躍爭住出戰，三哥苗僑偉搞笑地說：“呢啲梗係等隊長嚟啦！”衆人起哄，場面熱鬧。