影壇三高吸血鬼

基斯杜化李夫，演《超人》成名，知者多矣；基斯杜化李，恐知者不多，於今僅叔父輩知其人。幾十年前，此名字嚇人至極，佢主演之片，未必人人敢睇，世界公認，有膽者來！

緣何如斯嚇人？原來李公十數年皆只演一角：德古拉伯爵。此伯爵唔係人，乃吸血殭屍。叔父言，由細畀佢嚇大，有佢主演，唔使問阿貴，一定吸血鬼。李公與彼得古城一雙活寶，演鬼戲不作他想。

李公面相猙獰，一雙血眼，兩隻獠牙，近兩米身裁，斗蓬一擺，扭頭一瞄，哈，生人勿近！戲院黑麻麻，不知何時會突然在身邊，叔父細時就曾掩面縮入凳底，惡夢發足一個禮拜。

李公於影壇有“三高”之譽：世界影壇最高男主角；輩份最高，一九四八年入行，拍片二百五部，演足六十七年至逝；技術含金量最高，乃父係軍人，母乃意大利貴族伯爵。九年前今日，李公以九十三齡仙逝。

西門公子