商業電台台慶劇《微涼之夏》

林家棟首度獻聲演廣播劇

商業電台六十五周年台慶廣播劇《微涼之夏》，於昨日凌晨十二時率先播出，特別邀影帝林家棟首度獻聲，聯同林家謙及呂爵安(Edan)聲演。林家棟更要主持Phone-in節目，聆聽來自不同聽眾的小故事。

首周劇集更邀得多位藝人特別客串，演繹多個與電台節目有關的單元故事，包括鄭丹瑞（阿旦）、鍾雪瑩、林愷鈴、林珊珊、魏浚笙(Jeffrey)等。

阿旦及珊珊八十年代加盟商台炮製不少經典，今次可謂重操故業。劇中阿旦飾演七十年代的中學老師，與學生譜出一段不為人接受的師生戀；而珊珊就聲演母親的角色。珊珊說：“我好聽話口架，導演畀乜稿就讀乜稿，唯一唔開心係我要做人哋阿媽，但聲音唔緊要啦，不過我做Edan阿媽，點解無得見Edan嘅？最後家棟都見唔到，咁就唔抵喇！唯一要投訴就係呢件事。”

鍾雪瑩在劇中與家謙及Edan是中學同學，她笑指一起錄音時，家謙和Edan甚有火花，令她很享受，尤如變成一個觀眾似的近距離欣賞這對“喃親呂愛”。

林愷鈴首次參演廣播劇就可以與林家棟合作，她高興說：“林家棟老師其實係我嘅偶像，我睇過佢好多套電影。我對佢嘅印象係好正經，點知今次好開心可以同佢合作廣播劇，發現佢原來好幽默、隨和、好玩得。”同樣是首度參與廣播劇的Jeffrey則飾演大頭外星人，錄音時更錄了三個不同版本：“扮外星人都幾好玩，試過一啲正常聲線，又試過較少用嘅聲線，睇下粉絲到時認唔認到我把聲。”