任晴佳獲邀出席巴黎名媛舞會

任達華與琦琦愛女任晴佳(Ella)，獲邀出席本月底（三十日）於巴黎舉行的一年一度巴黎名媛舞會(Le Bal des Débutantes)。為了是次盛會，早前Ella親身前往巴黎為舞會試裝，穿上高級訂造服裝，每件都鮮艷亮麗。母親琦琦一直陪在Ella身邊，琦琦笑言：“我完全冇畀意見，一切由個女自己決定，佢鍾意啲鮮色禮服，因為無論係佢自己還是睇到嘅人，都會覺得特別開心，Ella希望每個人都生活得開心。”

現年十九歲的Ella是父母的掌上明珠，遺傳父母的優良基因，甜美的臉蛋與逆天的身材。原來六年前Ella已被邀請出席巴黎名媛舞會，不過當時年紀還小，至今年終被他們的誠意打動。琦琦說：“係呀，當時可能大家見佢咁高，以為佢已經好大個，但其實當時只得十四、五歲，要專心讀書考大學，所以未有參加。今年決定參加，我哋同Ella都覺得可以見識吓、開吓眼界。世界各地都有人被選出席，可以學到唔同地方嘅文化，同時都學到禮儀，小朋友就應該係咁樣，要用學習嘅態度去嘗試每一件事。”