黎耀祥憶入行卅八載辛酸

為慶祝無線踏入五十七周年台慶，邀得十八位代表不同年齡層及界別的藝人朋友，與觀眾分享他們在TVB的成長經歷。一系列宣傳片已於十一月十一日開始陸續播放。打頭陣與大家分享的，是台慶劇《巾幗梟雄之懸崖》男主角黎耀祥！

三奪《萬千星輝頒獎典禮》最佳男主角獎的祥哥，由一九八六年起開始拍劇生涯，轉眼在電視圈打滾了三十八個年頭。祥哥在台慶宣傳片中坦言從演多年，確實遇過樽頸位：“我入行做咗十幾年閒角，先至可以叫做升上配角位，又做十幾年嘅配角，先至可以做到主角，當時自己都有啲深深不忿；因為覺得自己好盡力，人哋對我評價又幾好，點解唔可以進一步呢？”祥哥又謂幸好自己堅持下去，並以“儲印花”來比喻不放棄及繼續努力的重要性：“人生好似我哋去超級市場買嘢儲印花，當你儲夠印花，先可以換到禮物。換印花嘅過程其實好長，如果你半途而廢、唔儲夠足夠印花，你所有印花就會變成廢紙。所以我依家都仲儲緊我人生嘅印花，可能十年、二十年後，我又可以換到上天畀我嘅一份禮物。”