劉青雲大講《爸爸》拍攝趣事

月黑風高，少年持刀如鬼魅，弒母！殺妹！大隊警員包圍現場，附近通宵茶記東主，才知道自己發生“冚包散”的倫常慘案……。《爸爸》劇情的序幕，這中年漢子的另類人生，才剛剛開始，按受巨大衝擊同時，面對殺死至親的患病兒子。兒子自首被捕後至審訊的過程中，才是對父子的折磨……。

《爸爸》電影故事，全片核心——劉青雲慣演警匪片的強悍演員，今回飾演肝腸寸斷、心中淌血的爸爸。東京影展唯一華語片競逐主單元，亞洲影展閉幕禮影片。評論一致：劉青雲的《爸爸》發揮，淋漓盡致！電影重現案發前的家庭，跟太太相識、結婚、生仔。令影迷驚喜的，劉青雲牀上繾綣，露背露股。“只有珍惜案前的溫馨生活，強烈比對，才會感覺失去一切的莫名痛苦，完全是劇情需要……。”劉青雲演技的大突破，“卻是不慍不火”。

資深影帝、好戲巨星，對手是新人：蘇文濤。第一部參演的電影，青雲評價：“因為佢冇演戲經驗，沒有包袱，沒有演戲的痕跡；每一個眼神、對話都好真實。”更踢爆，新人的膽識——佢哋唔會死記台詞，居然夠膽改對白，爆肚！但好自然。

劉青雲演《爸爸》有突破，電影結尾也出現彩蛋，Mirror成員呂爵安客串現身，演成年版兒子，“好似，真係好似，似到好得人驚！”青雲直指，呂爵安與新人蘇文濤——樣似，神態都似。青雲又讚呂爵安好戲：“確係好嘢，呂爵安來做一場戲咋嘛！一場好重要的戲，有一定難度，但佢拿捏得很好。”

大受好評的新人蘇文濤如何物色？“喺街執返來(口+架)。”導演翁子光介紹：“佢係我哋公司嘅朋友個仔……。我哋試鏡許多演員、素人，未搵到一個啱嘅。最後，有位同事話，你講嘅角色形象，見過一幅相，幾似。”蘇文濤追問：即係邊種人？“A貨許光漢囉！講笑啫，蘇文濤有一種令人好舒服，好清澈的感覺。”蘇文濤立即作狀怕醜：“唔似，唔似，許光漢靚仔好多！”

後記：呂爵安只演一場戲。“我搵佢唔止一部，我監製的《紙盒藏屍》，都搵佢，希望Edan在電影方面搵到定位。”

高梁