粵劇老倌羅家寶

華光子弟演耶穌，宗教問題，不論；香港人的普通智慧，解決了天大問題——有乜好過飲得一杯落？兩杯！有乜好過一個菩薩保佑？兩個菩薩。求神！求神保佑，多多益善……。但，新劍郎是文武生，演耶穌要掛鬚，藝術爭論問題了。粵劇文武生，面如冠玉，倜儻風流，任迷！聲迷！見過留鬚白髮麼？新馬仔掛長鬚演關雲長。武生身份了。第一個文武生掛鬚，不是新劍郎，係……。

某年，賢哥昆仲於市橋故里紀念母壽，晩上堂會赫然出現，當時尚未“平反”的羅家寶！怎麼可以？內幕消息，文件已批，未送到手而已。宵夜後，隨至親好友入房敘舊……。可樂三巡，烟霧瀰漫，蝦哥神清氣爽，中氣十足，提起他的百幅鍾馗圖下落，一再聲稱誓要追究……。為轉輕鬆話題，高梁高聲問：蝦哥！點樣才可以做文武生？

“好易之嘛！”蝦哥悠然回應：“你都可以(口+架)！”吓？係人都可以做文武生？“有一個條件，你企出來，要似一個文武生，藝術慢慢學返來的。”

上世紀八十年代初，蝦哥來香港演《夢斷香銷四十年》，講乜嘢(口+架)？主辦人回應，既然著名陸游詩句，當然講陸游：不是講“鐵馬冰河入夢來”的戰績，係講與表妹的戀愛故事。主辦人是娛圈老前輩，唔需要講故事，中學生都識。講粵劇新面貌，新突破……。

嘩，前輩教娛記——“你哋咁寫，粵劇你哋看得多，但，從未見過文武生掛鬚。蝦哥係第一個，廣州老倌好尊重藝術嘅。蝦哥演陸游，由後生演到中年，夢斷香銷四十年，古稀之年《再進沈園》，文武生掛白鬚，披肩白髮，一身征塵染淚痕……一定成為粵劇經典！”前輩言中了。

高梁