薛家燕加國拍戲要進軍荷里活

薛家燕（家燕姐）前日出席工展會活動舞台舉行的“家燕媽媽冬至溫暖廚藝示範兼新品優惠推介”大型戶外烹飪活動。同場還有安德尊為活動擔任司儀，兩人的互動為現場帶來不少笑聲。

家燕姐於活動後受訪，表示早前先後到加拿大及馬來西亞工作：“走咗成兩個幾月，不過有工作我就精神，真係連Jet Lag都冇，我都要讚吓自己。我去加拿大拍電影版《Rags 2 Richmond》（選美兄弟班），今次由微短劇搬上大銀幕，同香港拍電影好唔同，都有少少難度，我真係學到好多嘢。跟外國導演畀Cue、同埋中英對白夾雜，都要啲時間適應，好在我都跟得到。仲要唱歌跳舞，真係少啲精力都搞唔掂，好在有高速煲煲湯水滋潤一下，Keep住個靚樣，我都好期待快啲可以畀大家睇到套戲。”家燕姐更笑言是進軍荷里活之作。

至於馬來西亞之行，主要是為新年歌拍攝工作，家燕姐說：“今年個歌名玩諧音，係好開心，我又同大家載歌載舞，拍MV嗰陣，跳咗成二十幾次。”問到冬至有何安排，她表示會一家人食飯，又大讚有新抱幫忙下廚，會輕鬆了不少。