再演《為你鍾情》

黃劍文整親腳針灸“頂硬上”

由紀緋珣監製及藝術總監，奎天導演及編舞，黃劍文、葉巧琳、鄭俊弘、歐陽豐彥、馬沛詩、陳凱彤等主演的音樂劇《為你鍾情》，日前於西九文化區戲曲中心隆重公演。演出吸引不少圈中人，包括周慧敏、胡渭康、蔡誌恩、陸東成、沈宗賢、劉威煌、梁浩賢、黃博等撐場支持。

開騷前主演黃劍文、鄭俊弘、葉巧琳、陳凱彤接受訪問，眾人士氣高昂非常期待演出。黃劍文笑言再度演出《為你鍾情》增添信心“加戲”，難得發現自己跳唱“心肺功能”不俗：“哥哥（張國榮）實在太多經典歌曲，好多都未夠時間唱，所以可將故事延續做續集。”另外，黃劍文自爆開騷之前唔小心整親隻腳：“有立即去搵醫師幫手做針灸散瘀，但還是要頂埋呢七日，先至有時間去治療。”

《為你鍾情》講述兩兄弟繼承已故父親的心血“皇家冰室”，無奈面臨結業，二人為完成父親作為忠實“榮迷”的遺願，打算在最後一個營業日舉辦張國榮歌曲主題音樂會，由此引發許多故事。鄭俊弘表示最愛《黑色午夜》及《不羈的風》，唯未有機會翻唱金曲：“仔仔都會嚟睇尾場，到時媽咪、公公都會陪住佢哋嚟支持我。”

葉巧琳表示再度出演音樂劇，令演員間默契提升：“我同劍文啲感情線呢，其實係專登加啲‘蜜糖’，大家睇落去係可以Sweet啲！熟悉咗做音樂劇之後，依家好似返屋企，心情會放鬆啲。”提到早前炎明熹加盟同唱片公司，姜濤亦在傳言名單：“咩話？我真係唔知！我連炎明熹加盟都係當日才知道，所以在我身上是收不到消息，我已經很久沒回公司，彩排太忙碌。”同場陳凱彤則表示，彩排時不小心失手，笑言演出時要打醒精神。