鼎爺悲上加痛

一生最愛的女人，施明離世後，“鐵漢”鼎爺悲上加痛，爆Seed表示，李泳漢在施明死後十日 ，才將噩耗告知他……“通知我之前，仲問我攞咗一筆錢，隔咗一陣先講畀我聽，阿媽走咗。我嬲到跳起。佢哋嗰陣仲話佢老母要醫院費……。我問點解而家至講，佢話，驚我接受唔到。我話，你係唔係人呀，正X街。佢講大話好叻，如果唔係搵阿媽做理由，我又點會畀錢佢。”

“鼎爺”自認變了人肉提款機，透露這“最後一筆”，高達六、七萬元。又稱，多年來，李泳漢夫婦“挾母苛索父”……以各種醫療開支為名索錢，從未出示過單據。

憶昔過着人肉提款機的日子，鼎爺形容——今日三萬，過兩日攞四萬，過幾日攞五萬。指李泳漢夫婦“一哭二鬧三上吊”，搵個老母作扶手棍……

《阿爺廚房》帶來可觀的財富，原本晚年無憂的李家鼎，被掏得近乎空殼：“以前，係人哋搵我借錢，現在，衰到問人借返轉頭。”施明離世後，李家鼎難抵打擊，健康下滑，身形暴瘦似紙板人。

“曾夢見施明”，李家鼎自言：“我話永遠照顧你，佢冇答我，我晚晚都喊。我對佢無憾，佢只係畀大仔糊塗咗。”

家庭風暴中，李家鼎感到安慰的，細仔李泳豪與其妻Agnes的孝順：“泳豪對我對家庭都好盡責好忠心，唔會奸狡。佢哋兩公婆日日來探我，細新抱真係好好，餵我食飯，細仔點攰，都拿餸飯畀我。”

“我現在身體唔好。”鼎爺日前公開表明，確立李泳豪為其財產執行人，聲言“防止大仔日後擅自代言，重演施明晚年的悲劇”。

高梁