李幸倪學會接受自己不完美

李幸倪(Gin)推出全新派台作品《你快樂嗎》，新歌由徐浩一手包辦作曲、填詞及監製，黃兆銘聯合編曲。今次Gin不再唱慘情歌，反而跟大家探討好直接、好赤裸的問題：“你快樂嗎？”

問到Gin自己是否快樂，她大笑說：“終於出新歌梗係好快樂啦，令歌迷久等。”隨後她認真補充，現在的她是快樂的，“但正如歌詞入面所講，呢種快樂唔係由頭到尾都順風順水，中間都經歷過‘一個人撐’、甚至‘跌過撞過’嘅迷惘時期。”她點出其中一句觸動到她的歌詞，“來承認你是你，讓你做你，誰亦都不要比”，她坦言現在學會接受自己不完美，“當你真正放低包袱、學識好好同自己相處，嗰種踏實同自在，先係真正嘅快樂。”

早前李幸倪飛台灣放假，不過她並非純粹去玩，而是上有關身心靈課程，“嗰幾日我完全放低工作，甚至連手機都少睇咗，專心學習。每日早睡早起，落堂就去望海、睇星星、放空，幫自己好好叉電。”這趟旅程最大得着，是學識“留白”二字。她解釋：“平時喺香港工作節奏好緊湊，大腦好難停落嚟。適當嘅休息先可以行更遠嘅路。”