蕭正楠為兒子沖奶開錯份量

由曹永廉（阿廉）、蕭正楠（阿蕭）、吳若希、車婉婉主持的綜藝節目《夫妻肺片》，昨晚播出一集的嘉賓陳展鵬（煎Pan）、周志康、雨僑及賴慰玲，分成男、女子組，討論做父親後“男人的感慨”，以及“豬隊友現形記”。

四位星級爸爸還分享了不少做爸爸的辛酸及驚嚇事件。阿蕭坦言初為人父時，因要兼顧工作、湊B及太太情緒、經常攰到渾渾噩噩，有次沖奶時，竟大懵拿錯大Size奶粉殼，意外為兒子“蕭哈哈”加料，後來阿蕭才猛然醒覺攞錯殼。阿蕭：“嗰吓我真係驚，但嗰次我係冇講嘅，過咗幾日之後，我先講返其實我搞錯咗，仲話以後都唔會搞錯。”

女子組方面則是七嘴八舌討論湊B搞笑及驚險事，出名是“豬隊友”的羅力威，再被老婆雨僑大爆“豬隊友事件簿”，令身處現場的他極尷尬，只能以笑遮醜。雨僑直指與羅力威結婚是“中晒伏”兼“錯晒”：“開頭覺得呢個男人可付託終身，同埋可以做爸爸，點知錯晒，佢係超級豬隊友嚟，我只要一行開我個女就喊。”雨僑續指試過沖完涼出來，見到阿女“大字型”攤在地上狂喊，羅力威則直接“放棄”坐在旁邊撳手機，又笑言就連羅媽媽都曾被羅力威的“豬隊友”行為嚇窒，十分爆笑。