郭嘉駿大方公開自度身高

《MOOV 20 Music Station》音樂企劃第二場，邀請人氣歌手193郭嘉駿登陸ELEMENTS圓方，與粉絲近距離見面。

活動未開始已有數百粉絲圍觀，場面非常墟冚！上集嘉賓曾比特曾問及郭嘉駿真實身高，所以節目開始時，郭嘉駿要“度身高”回應曾比特提問，場面非常搞笑。一向寵粉的郭嘉駿與粉絲互動玩遊戲，搶答問題瞬間炒熱氣氛，他亦非常識做獻唱《再次Puppy Love》：“好掛住大家，雖然拍攝節目時有粉絲到場，但都好耐冇喺一班人面前唱歌。”

活動中，郭嘉駿亦唱出《你的名字我的聖詩》、《呆等》，粉絲熱烈和唱令場內氣氛高漲！郭嘉駿向下集嘉賓范卓賢(Jacky Fan)提出組合Error成員當中，誰人比較“三尖八角”：“我係想考吓佢處理呢啲問題嘅能力，今日活動之後一定有粉絲通水話呢題問題畀佢知，佢有大把時間準備，睇吓佢會點樣客套、唔會得罪我哋呢啲師兄。”郭嘉駿表示獨處時會打籃球抒發情緒：“我鍾意夜晚去打波，不過試過嘈到附近嘅居民，所以後尾發現有啲球場比較遠離民居，唔會影響到人，我亦都鍾意慢慢揸車，周圍去兜吓風。”