炎明熹讚陳輝陽熱情有火

棋人娛樂及好好笑音樂主辦，一連三場的《陳輝陽作品演唱會——K歌之王》日前在澳門銀河綜藝館圓滿落幕。演唱會最後一場，陳輝陽在台上感謝五位優秀歌手為他的作品展演出，並希望每位嘉賓分享對他的看法。

小肥坦言自己容易被情緒牽動，好易怯好易驚，“輝陽係精益求精嘅人，搵你做監製嗰時，我好驚入錄音室，好驚面對你，但好多謝你當時叫我去學唱歌，令我搵番自己，有新唱歌道路，輝陽睇落好嚴肅，但其實好窩心。”

Gigi（炎明熹）則大爆陳輝陽為了做好作品，可以通宵工作，翌日大早又傳訊息給她，“多謝陳輝陽老師嘅邀請，仲幫我創作咗好聽嘅歌曲。老師係一個好好好熱情嘅人，佢嘅火甚至蓋過我。”陳輝陽則感激Gigi在這世代出現了一把如此優秀的聲音，笑指自己的“火”全是給她逼出來的。

提到筆筆（周筆暢），陳輝陽大讚她非常厲害，音域極廣，歌曲演繹可以是熟女，也可以是瘋婦，是一位音域極闊的歌手，因此特別邀請她參與演出。周筆暢直言二人雖然是首次合作，但對他的音樂並不陌生，“雖然今次係第一次合作，但我對你嘅歌好熟悉，由細聽到大，亦翻唱好多，好多謝有呢個機會。”她更透露二人正在磨合新作品。

輪到Joey（容祖兒），她即時打趣反問連日被熱烈討論的新版《漩渦》，“我條問題好大膽，點解要改到《漩渦》咁難唱？”陳輝陽解釋每個音符都有原因，“我唔想重覆，唔想同以前比較。我將《漩渦》編曲變到好似發咗一個惡夢，係我第一個想法，我作品音樂會唔會做原裝，因為我長大咗，想用而家嘅歌曲講故事畀大家聽，呢個係新作品，希望大家包容到。”

Eason則回憶起兩人的合作點滴，“一九九七年佢第一次寫《現場直播》畀我，之後大家開始多溝通，寫咗《美麗有罪》同《黑夜不再來》，到我轉新公司就有《K歌之王》，好多謝你同林夕寫畀我。輝陽係一個會同歌手同步嘅監製，我哋可以同步，好魔幻透過器材、電線feel到大家個心感受咩？呢個就係音樂，多謝陳輝陽。”

本報記者 高嘉灝