唔抗拒扮鬼扮馬

鄧佩儀冀開拍續集

鄧佩儀、劉穎鏇、陳曉華、戴祖儀、郭子豪及麥凱程昨日以萬聖節打扮現身，出席於電視城舉行的明珠台《魅影星期日》記者會，眾人並分組玩遊戲。

鄧佩儀在奇幻劇集《金宵大廈》中飾演晴晴一角受到讚賞。昨日她表示：“反應之好令我感到驚訝，多謝大家的支持！”她希望可開拍續集：“若開續集，演任何角色都可以。我想演變態殺手、多重性格角色，或者再同娃娃（劇中的矽膠公仔）調換身份都OK，甚至可以變埋男公仔。”

萬聖節將至，但鄧佩儀表示興趣不大：“平時我唔敢睇鬼怪片，因為我相信有鬼怪存在。加上做演員要經常凌晨時分到荒廢的地方拍攝，我怕看完戲會疑神疑鬼。為了工作還是不看為妙，就算同事講鬼故，我都會行開唔聽。”佩儀笑言幸好入行以來冇遇過靈異事件，若角色需要扮鬼扮馬，她也不會抗拒：“記得多年前就曾扮過貞子。”

陳曉華與劉穎鏇就比鄧佩儀大膽得多，兩人同樣喜歡睇奇幻片及到鬼屋探險。陳曉華表示中學時跟同學玩過筆仙：“因為剛開始已驚到忍唔住推開，最後只在旁邊睇同學玩。”她自爆試過與一班大學同學扮埃及人去主題公園參與萬聖節，但最後被人嚇返轉頭。

劉穎鏇表示喜歡刺激的感覺，但去樂園玩鬼屋就一定要跟一大班人同行：“試過有次去鬼屋見到怪物，我即刻推朋友出去擋，朋友見我咁驚都怕咗我。”問到以往萬聖節有試過扮鬼扮馬？劉穎鏇承認很少：“最多都是戴面具嚇人。以前唔識化妝，素顏已經嚇到人。”