海俊傑回顧入行挫折

海俊傑日前接受娛樂新聞台節目《StarTalk》專訪，大談入行廿五年感受。

海俊傑剛推出新歌《長大》，他說：“依家出歌唔係為得獎，只係希望多些人聽到我把聲，諗住出多些新歌再開騷。”他亦談到在內地登台而導致一度失聲，他說：“環境同音響很差，台下就飲酒猜枚，根本就係鬥大聲咁唱。由於聽唔到自己唱咩，而且每日都係咁，結果令聲帶受傷及生繭，很普通的一首歌都唱唔到。我以為自己以後都唱唔到歌，當時喊咗出來。為咗繼續唱，之後自己停止登台養聲。”

談及入行初期的一帆風順時，海俊傑說：“贏新秀賽後四日就出新歌、兩個月就出碟，當時真係萬千寵愛在一身。但我唔夠成熟，升得快人就飄，一飄就講錯話，發脾氣炮轟華星，得罪咗自己唱片公司。當時我唔知自己有問題，仲以為可以繼續出碟。其實人哋只係冇講明，根本就雪藏咗我。”