京師鏢頭 形勢大好

今日六場草戰連同轉播八場澳洲馬，全日共十四場，馬迷又可過足癮。騎師查維斯刑滿復出，全日四駒出戰，計馬具爭勝機會，料有頭馬見面。

查維斯上季在濠江策騎，仍不時返星馬客串，聲音兩邊走。今季疊埋心水留在此間騎足全季，務求可取得佳績。查維斯乃資深騎者，論功架不算差，在此間應是前五位好手，受各練者器重，尤其賀蘭杜夫更視為影子主帥，馬房出擊大任落其身上，今仗復出即供馬予其搏殺，此雙騎練合作緊密，今仗攜手出擊，值得吼緊。

第一場：四班千二米，“聯安駿馬”上仗恩利克主轡放至埋門力弱，最終只得第四，初出貫注力不足，敗不為奇。拚後小休再來，起用查維斯操刀，幕後人擺明車馬要再搏。三歲馬實力未盡露，日後料有進步空間。今次易配重來，欣逢路合檔利，有力開齋。

第二場：四班千二米，“京師鏢頭”上季再無頭馬交出，最叻只跑二三名，但馬匹評分減去不少，現居四班已有利可圖。草地千二米此駒拿手好戲，今次走馬換將用查維斯執韁，配搭不弱。路合檔佳，形勢大好，憑班底支持，隨時可推翻一切。

第四場：二、三班千八米，“賞櫻”上仗同程贏來悅目，人馬表現合拍。此駒小休重來，賽前準備功夫仍做得充分，馬匹狀態有增無減。馬匹質新勇進，今次續由查維斯押陣易發揮。新勝打鐵趁熱，憑路合態勇，可再下一城。