睇好楊怡林夏薇質素

黎燕珊傳授生仔秘笈

黎燕珊、天堂鳥、鄧穎芝、“光頭仔”王嘉明等昨早出席“跑搏行動”慈善賽活動，珊姐表示現時社會氣氛不佳，呼籲大家多參與這樣有益和正面活動，提升正能量。

向來有跑步習慣的黎燕珊，透露保持體態的其中一個秘訣就是每日跑步半小時：“免費之餘又能減壓，是正能量良方。”珊姐與林夏薇再度合作，在新劇《逆天奇案》中飾演兩母女，育有一對仔女的珊姐笑謂：“我有傳授生仔秘方畀佢，唔知佢有無受用到。這個女仔工作心太強，說要先拍完這個劇才計劃生仔。但佢收到這些超級秘方都好開心，話要養好身子先做。我不是亂給秘方，只傳授給林夏薇同楊怡，有質素先畀。睇好佢哋，希望兩人快些當媽咪。”

有傳楊怡已造人成功？珊姐表示：“冇聽聞，咁好姐妹唔使問。如果係真會即刻講，成日問住會好大壓力。況且香港人已壓力爆棚，唔好再畀壓力，盡量提高正能量。”

天堂鳥自爆有跑步做運動的習慣，故此昨日參與三公里賽事不成問題。被問及成員Gordon（葉灝基）與同門師妹Carman（關嘉敏）傳緋聞，Gordon害羞兼面紅說：“順其自然，現在了解中，大個仔拍拖會同大家講。”Lincoln則笑稱Carman是“大嫂”。

談及天堂鳥原定下月舉行的演唱會，三子失望地透露因受近日社會氣氛影響，原定十一月舉行的音樂會有可能延至明年三、四月舉行，一切有待公司公佈。他們說：“當然會唔開心，但就有更多時間準備。可以叫公司安排推出幾首新歌，亦希望創作一首慢歌，令歌迷可了解我們的感情世界。”