獲邀為釜日電影獎頒獎

黃宗澤期望下屆攞獎

黃宗澤(Bosco)與邵氏網劇《飛虎之潛行極戰》監製樂易玲、導演李惠民獲邀出席第廿四屆釜山國際電影節主辦的首屆“釜日電影獎”頒獎禮，李惠民憑該劇獲頒終身成就獎。

擔任頒獎嘉賓的Bosco前日以西裝打煲呔現身，非常有型有款，實行要代表香港仔力抗韓國小鮮肉。Bosco說：“民哥獲頒終身成就獎，佢係《飛虎之潛行極戰》最高領導人，當然要飛來韓國賀一賀佢。但冇想到大會邀請我擔任頒獎嘉賓，為‘最佳劇集’頒獎，實在好榮幸！到達釜山之後，最大驚喜是遇到Angelababy，我同佢好耐之前有合作過，好耐冇見，一見面當然要合照留念啦，話晒在釜山遇到偶像喎！”

由於Bosco要在台上講話，為了尊重大會，他決定以韓文發言，之前一晚更狂練韓文。雖然心情緊張，但當日表現有板有眼，順利完成，贏得全場掌聲，令他終於鬆一口氣。Bosco直言替李惠民感到非常開心，他說：“《飛虎之潛行極戰》播出後反應好好，依家正在內地播放的《飛虎之雷霆極戰》，反應亦好好。希望我下次再獲邀請出席這個頒獎禮係來領獎，唔只我自己，希望成個團隊都有機會得獎。”

同行的《飛》劇監製樂易玲透露李惠民得獎後，好友曾志偉和苗僑偉分別短訊送上恭賀。她表示：“《飛虎之雷霆極戰》內地播放後反應好好，現時正播結局篇，多謝大家支持！李惠民依家得獎，我已經同佢講好下年初就開拍《飛虎Ⅲ》，佢同Bosco都唔准加價呀！因為要留多啲製作費，上次爆隻快艇，今次又唔知爆咩。不過一定會比過往兩集更加強大、更加精彩！”