姜麗文何雁詩合照冇尷尬

姜麗文、何雁詩、黃祥興、關楚耀及趙希洛等前晚為無線節目《娛樂大家》錄影，因節目將於萬聖節播出，眾人都以萬聖節造型現身。

以“魔女Look”現身的姜麗文，對於與舊愛鄭俊弘現任女友何雁詩同場，大方笑說：“事前已知，冇所謂啦！講真，大家咁開心，都想世界和平，開開心心。我依家同柏豪（現任男友）好開心，同佢（鄭俊弘）已經係舊聞。再見仍係朋友，大家仲有聯絡，都係傾吓隻狗，但就冇約出來見面。”她自爆為了上遊戲節目，事前上網搵貼士並跟男友試玩了兩次：“兩個回合都是我贏，如果贏錢會跟男友對分。”

何雁詩表示與姜麗文以往在不少大型綜藝節目上碰過面，但節目合作則是首次。她帶笑說：“冇尷尬，知道要做訪問同合照，大家同一間公司，始終都會見到。”問到可有傾鄭俊弘？她表示不會特別傾，否則就真的會尷尬。她亦有跟男友提及兩人會同場：“但他沒有甚麼反應。”