謝安琪紅館騷尾場有驚喜

謝安琪(Kay)紅館個唱前晚舉行尾場，張繼聰帶同大仔張瞻及細女張靖入場欣賞老婆Kay的演出。Kay的老闆麥浚龍(Juno)任嘉賓壓軸登場合唱《羅生門》，成為當晚亮點。

尾場演出中，Kay於最後一幕換上全新歌衫，頭上戴了一頂反轉了的草帽，寓意人生不要墨守成規，有時可以按自己心意做人，所以便將帽反轉來戴。Kay在台上分享演出感受：“今次要做一個冇對白、冇嘉賓、冇Encore、冇Dancer的獨腳戲，但有最真實的感情、最華麗最精彩的編曲、仲有好有心機好有質感的舞台，以及Juno與Dick及Dee為我做咗好多視覺效果，其實已經好豐富，所以我唔想有多餘說話阻住大家欣賞我為大家準備的表演。我覺得唔需要用說話去溝通，大家跟隨我的表演就可以好好交流，呢個係我最初的概念，亦為我帶來壓力，所以唔易做。過去四晚演出好有實驗性，同時亦好有滿足感，原來紅館舞台上，每晚可以同八千人好好溝通交流，係好寶貴的經驗，好多謝大家同我一齊度過好美好的四個晚上。”

最後壓軸登場的Juno，與Kay合唱《羅生門》成為彩蛋。兩人依舊沒有一句對白或交談，分別在舞台上的樓梯頂及樓梯底對唱；唱完後，Juno才上樓梯與Kay會合，向觀眾鞠躬謝幕。