張兆煊廄起孖

恩利克鮑羅素兩捷

昨天沙地賽事順利完成。頭場當紅騎師恩利克騎蔡鎮威廐“如意快駒”先拔頭籌。此駒上次用余健雄跑草地千二米，只得第三未竟全功。今仗強配恩利克再拼，挾上次三元氣勢出擊，臨場捧成兩倍大熱。結果飛到馬到，出閘快放直奔終點，贏至對手無力招架。“如意快駒”來澳喜獲首W，騎、練居功。

第二場鮑羅素贏馬。此子騎適廐“神騏隊長”以快放摘取今季第二W。此雙人馬上次跑同程開齋，贏完後乘勝追擊。騎者今仗照辦煮碗，出閘快放守住好位，入直路發力一攻而破。人馬連下兩城，且愈贏愈易。“神騏隊長”質新進步，料季內仍有一至兩W交出。鮑羅素、王君適齊添頭馬。

第三場恩利克搏殺起孖。此子頭場開餬後乘勝追擊，是場主轡錢廐“甜滿”後上掄元。恩利克上次策此駒放頭跑，埋門輸後勁屈居第二。今次原裝人馬捲土重來。騎者改變跑法，出閘留後，入直路逢馬過馬，以強橫衝刺力壓對手，替馬匹補中。“甜滿”季內不斷進步，日後料有再進空間。錢廐喜添一W，恩利克孖寶進帳。

第四場輪到余健雄贏馬。此子騎兆廄“蒜片辣椒”出閘快放，一口氣直領到底。此雙人馬上次贏完再來，今次原程出擊再下一城，人馬贏來冇得頂。“蒜片辣椒”今季表現全面復甦，替馬房連勝兩仗。騎、練合作愉快。

第五場鮑羅素起孖寶。此子替豪廄“自強不息”押陣，出閘迅速帶頭，全程且放且走，一口氣直放而返，爆十五倍冷W。此駒近期轉投豪廄重新打磨，今次贏馬練者有交代。鮑羅素是仗一口冷孖寶，收穫甚豐。

尾場張兆煊廄起孖。旗下“江河神彩”由何華麟執韁，以較佳留放後上挫敵。此駒連敗減分，今仗吼準形勢一擊而中，十二倍W分頭不薄。騎、練攜手食尾餬埋齋。