馮允謙赴俄羅斯拍MV

歌手馮允謙(Jay)新專輯以旅行為主題，第四首派台歌《尋找白金漢》更衝出香港，遠赴俄羅斯海參崴拍MV。

非常喜歡旅行的Jay，這次新歌MV到俄羅斯取景，可謂如願以償，他笑說全因之前另外一首作品帶挈：“新歌《尋找白金漢》的旋律在兩年前已經寫好，依家終於遇到適合時候，由Wyman填詞，周錫漢監製。因為Wyman之前寫那首《山旮旯》好多人鍾意，當時就計劃要揀一個山旮旯地方拍MV，結果搵到一個唔算係旅遊熱點，風景好靚又特別的地方，就係俄羅斯海參崴。”

承接上一首歌《Full Moon Party》MV最後，Jay邀請女主角一齊去旅行卻慘食檸檬，所以這首歌MV就講他獨自出發。Jay說：“呢首歌歌詞係講一個男人瘋狂咁愛上一個女仔，但對方比較現實，追求物質。雖然個男仔無錢，但佢仍然癡癡地等這個女仔回心轉意，MV就講我一個人到俄羅斯，遇到一個同分手女友好似樣的女仔。”