否認與劉愷威秘戀

湯洛雯拍拖睇感覺

郭晉安、譚俊彥、姜大衛、王君馨、湯洛雯等昨日為新劇試造型。對於被指與劉愷威秘戀四個月，湯洛雯強調目前單身，至於可有機會發展？她說：“冇諗，依家單身。（有冇追你？）真係冇，普通朋友。”

“靚湯”湯洛雯透露將在劇中飾演心理醫生，而她讀書時也是修讀心理學，所以對於一些名詞比較熟悉，壓力大減。靚湯早前為拍《法證先鋒4》積極減肥，可惜越減越肥，上月底出席港姐競選時更疑因着錯衫而被網民指“幸福肥”。前日靚湯在社交網站分享早前到日本沖繩石垣島旅行的舊相，當中有張穿白色比基尼、外面再穿白色網衣的相片，獲不少網民大讚靚女又性感。靚湯透露原照片是由爸爸媽媽操刀：“很久冇着比基尼影相，因為冇之前咁嚇人，但冇上過磅唔知瘦了幾多磅，免得畀壓力自己。依家節食同努力做運動減肥，又有再學溜冰，成個人放鬆咗就會瘦啲。”

日前有報道指湯洛雯與劉愷威秘戀四個月，紅娘更是林夏薇，靚湯昨日回應道：“不是事實！我們只是普通朋友，不太熟的。（因為去林夏薇生日會而認識？）其實我冇去生日會，我哋只係普通朋友，一班朋友食飯時見過，唔係情侶。”問她可接受到離過婚有小朋友的男士？靚湯就稱要睇緣份：“我唔知將來會遇到甚麼人，睇到時感覺。（雙方有冇機會多了解發展？）冇諗，依家單身。（佢有冇追你？）真係冇，普通朋友。”

郭晉安為拍新劇特意留了一個頹廢鬍鬚Look，他自爆被兒子嫌棄：“囝囝話如果化藍色似阿拉丁就OK，我叫個仔呢幾個月要習慣我留鬚。”

譚俊彥笑言與安仔剛好相反：“之前都是留鬚，我反而擔心剃了鬚，囝囝唔認得我。”

首次跟安仔合作的譚俊彥，笑言小朋友正就讀K2，可以向前輩偷師：“因為我不論教仔抑或演戲資歷都比安哥淺。”安仔笑言沒有甚麼可教給他，今次是他們第二次見面，相信會合作愉快。安仔稱已很久冇拍輕喜劇，他在新劇角色不單演茶餐廳伙計，又會做便利店及搬運散工。他大讚譚俊彥很勤力：“佢會要求大家熟讀劇本，我演的角色很戇居，成日講大話老點佢。”