余香凝向馬浚偉偷師

余香凝(Jennifer)前晚邀得馬浚偉擔任演唱會嘉賓，合唱《只怕不再遇上》後，她再獨唱歌曲《簡單情歌》。

Jennifer早前有份演出馬浚偉自編自導自演的電影《生前約死後》，適逢昨日是馬浚偉四十八歲生日正日，前晚開騷前，Jennifer特地買了生日蛋糕送上驚喜。

獲邀為馬浚偉演唱會任嘉賓，Jennifer表示受寵若驚︰“因為演唱會係一件大事，點解會搵我？我驚自己唱得唔好影響個騷。”雖然兩人早前上電視節目時已經合唱過一次，不過Jennifer彩排時依然相當緊張。她表示：“繼金像獎獻唱後，第一次面對咁多觀眾近距離交流，所以初時都好驚，彩排時成日在諗坐滿人的情形。”

Jennifer透露馬浚偉在她出場前向觀眾勁讚她：“感謝他為我減壓，看到觀眾反應好好，令我由緊張變成享受。”Jennifer表示自己亦有計劃開騷︰“希望有一個屬於自己的騷，今次吸取了經驗，點樣令到現場氣氛好啲、點樣同觀眾交流。我覺得馬仔這方面做得好好，同觀眾好Friend，我希望我都可以做到呢樣。”