襯到絕行東京影展紅地氈

朱鑑然與陳靜覺生外

第三十二屆東京國際電影節昨日假東京六本木正式展開，入圍今屆“亞洲未來”單元的港產片《BABY復仇記》團隊亦走上紅地氈，出席電影節開幕儀式。

《BABY復仇記》女主角陳靜(Dada)及男主角朱鑑然(Kevin)昨日出席東京國際電影節開幕式，團隊成員還包括監製廖婉虹及導演陸以心。近日忙於內地拍攝的Kevin為了電影宣傳搏到盡，昨日早上五時才由上海飛抵達東京，但他精神奕奕地表示：“其實唔算好攰，今朝都睡得好。好期待稍後走紅地氈，以及出席後日的全球首映禮。”

身穿整套LV的Kevin，與穿上入膊晚裝裙及戴價值近百萬首飾珠寶的Dada襯到絕，當現身紅地氈時，被不少外國媒體叫停拍照。兩人皆有不少日本當地粉絲，Dada大爆料：“好多日本女粉絲搵Kevin影相！”

Dada坦言為了以最佳狀態出席開幕紅地氈，近日已特意食得清淡：“走完條紅地氈，今晚就可以畀肚皮大解放！今朝着住條晚裝裙出門，有外國人仲以為我結婚！哈哈。”

雖然兩人在戲中飾演夫婦，在紅地氈上襯到絕，但原來他們已經很久沒有見面。Kevin也笑言：“已經成三個月冇見，一見面好似有啲生外！其實我早段時間都來過幾次日本，仲買了手信給Dada，不過估唔到佢依家亦來到日本，我都未將手信畀佢。”