趙學而想開個唱

趙學而與陳逸璇前晚為ViuTV音樂節目《Chill Club》擔任嘉賓，學而表示自上次開完個唱後，差不多一年沒有公開唱歌。她說：“唔係唔想出來唱，因最近社會氣氛唔好，希望帶多些歡樂畀觀眾。之前有好多聽眾透過電台話想聽我唱歌，依家音樂節目咁少，真係幾難得。”

學而透露錄影當晚會唱多首飛圖年代的經典卡啦OK歌。問到平時可有去唱K？學而反問：“依家仲有卡拉OK咩？在屋企廁所都可以唱歌，也會找老師上堂練聲。”學而坦言想再開個唱：“有意於較細場地舉行，可與樂迷近距離互動。”

陳逸璇開心地表示看到節目內有湯寶如、彭家麗、趙學而等：“終於可以做回後輩！因平時出席活動，不少新人都對我說是聽我的歌長大，令我很尷尬。我於二○○四年出道，只是早出道而已。”