勝利皇星勇況依然

上周日賽果利冷，熱門馬死火居多。部分被視為馬膽，跑至三甲不入，令捧場客損手。馬季跑過數回合，練馬師馮耀正上仗高中三元，成績一枝獨秀。此廄現以四W同王君適並列榜首。馮廄馬小休後，新季普遍發揮水準。如“搵到剩到”上仗出閘守住三、四位，入直路發力彈甩對手，贏來輕鬆自如。質新馬走勢悅目，今季全熟後應有前途。廄友“浩勝盈輝”上季煞科賽草地落敗，今季初出回師沙地搏殺。安萬堯主轡交到功課，憑一條直路殺低對手，人馬贏來醒神。此外“卓人勇”蔡義武掛帥，亦發揮得好，人馬跨季連捷。此匹沙地專家，至今已取五W，可謂贏到你唔信。馮耀正練馬有功夫，部署出擊及用人皆有其手法。新季積極搶攻，務求將成績向上推進。馮廄今季養馬二十六匹，倉口實力雄厚，戰駒仍側重沙地出擊。回顧上季摘取三十七W，當中二十一W跑沙地取得，由此可見，馮廄馬較喜歡沙地搵食。經上仗一番鏖戰，練者整軍再來，本周五沙草夜賽續派兵搏殺，馬房當旺，值得留神。

第四場一、二班一○五○米沙地，馮廄“勝利皇星”及“勝利巨星”雙龍出海，此中必有王者興，信不信由你。“勝利皇星”沙地性能卓越，上仗草地千二米快放走返，贏來令人耳目一新。此駒新勝匆匆又來，刻下勇況依然，今戰沙地短途更合發揮，騎者已駕輕就熟，有權添食。廄友“勝利巨星”以一三五○米為最佳出路，但同程曾入位，路程可應付。高君濤上次後上闖入連贏，直路衝刺凌厲。“勝利巨星”拚後重新打磨，高君濤肯再騎亦胸有成竹。憑人馬夾檔可推翻大局。此場馮廄兩駒列陣，練者左右逢源，隨時可一Q返。