自認冇博彩運

馮盈盈要儲錢結婚

湯洛雯與馮盈盈昨日出席賽馬頻道開台滿月慶祝儀式。湯洛雯指年初拍攝賀年活動時去買馬，結果贏了一千元；盈盈自爆小時候幫爸爸揀馬命中率甚高，但長大後自己投注時卻輸錢。

馮盈盈自認冇博彩運：“小時候幫爸爸揀馬，命中率甚高的，但長大後自己投注時卻輸錢。讀大學時到馬會做兼職，所以開了個戶口，初時都有贏，但喺邊度賺錢就邊度使返晒，試過投注戶口輸剩十文 。”

談到她近日在社交網站大曬“事業線”，盈盈笑說：“先唔講事業線，最重要係操出腹肌線條。我同男友寶寶近日好努力一齊做Gym，佢而家操到有少少腹肌同老鼠仔，我哋經常喺屋企塊鏡前擺甫士扮Model影相，（有冇着衫？）當然有啦！”問到男友可知她騷事業線？盈盈坦白說：“當然唔知啦，冇問過佢，但佢好讚賞，話我好勁！做咗運動後唔似以前郁啲就攰，而家我可以搬重嘢。”

盈盈與男友同居後，經常大呻要做家務，昨日她亦開心透露終於請了鐘點工幫手，每逢周末會到屋企清潔，所以她一定要擇日子煮飯：“如果星期一煮飯，碗碟就要等到星期六、日先有人洗。星期一煮完之後就要食外賣，所以一定要揀星期四、五至好煮，最近發現屋企有蟻，要努力滅蟲。”盈盈與男友已同居三個月，下一步是否準備結婚？盈盈指兩人還未儲夠錢結婚，要繼續努力工作：“因為我想去不同的地方拍七輯婚紗照，走遍七大洲也可以，所以經濟上還不行。”

“靚湯”湯洛雯透露年初拍攝賀年活動時，曾經和李丞責進馬場：“本來我一向賭運不佳，所以未有下注。但當日見到一匹叫獨角獸的馬很喜歡，所以就去買了，還贏了一千文。”問到會否趁機認識馬主？靚湯笑言想認識馬匹多些，因她跟高海寧及莊思明都有興趣去學騎馬，對將來拍古裝劇也有用處。

靚湯表示還有個多星期才開拍新劇《失憶24小時》，靚湯近日被傳與劉愷威秘戀，會否趁開工前與追求者約會？她表示收到不少人恭喜：“成件事太荒謬啦，我哋冇聯絡，大家一定要寫我單身。傳這麼多緋聞會嚇退我的追求者，希望下次收到大家的恭喜時是真的。（舊愛羅天宇祝福你？)佢私下唔祝福我！都唔係真嘅，點會祝福我呢？（有冇機會復合？）冇可能啦，我哋變咗好親人嘅感覺。”說到前男友羅天宇今天生日，靚湯指會發祝賀信息給對方，但就不會約食飯了：“因為我在收身，食生日飯太豐盛了，我不想面對這個誘惑。”