任晴佳首登T台唔輸名模

任達華女兒任晴佳(Ella)日前在內地首次登上T台，與超模劉雯一起行騷。在這場名為“敦煌”的主題時裝騷中，任晴佳身穿設計似浴袍的粉色外套搭配黑色小短褲，配上一頭飄逸長髮，甚有氣場。

首次踏上T台行騷，在高低起伏猶如山丘的舞台上穿梭甚有難度，估唔到十六歲的Ella也能輕易駕馭，表現十分有自信，台步氣勢完全不輸給同場的名模。時裝騷舉行當日，Ella一早就主動走到會場彩排，熟習舞台較難行的位置。名模媽媽琦琦當日特意到場支持愛女，感動之餘亦為女兒感到驕傲。她說：“行得好好！起初都驚個女會緊張，估唔到佢真係唔錯，一啲緊張都冇，仲好享受呢個舞台，就好似身邊的超模一樣行得好好，好圓滿。”

對於表現獲得媽媽激讚，Ella百般滋味：“真係好開心！我一啲都冇緊張，呢個騷台比一般的難行，好似山坡咁高高低低，亦特別長。第一次行騷就要行呢類型T台，好有挑戰，好慶幸自己冇失平衡，成功完成呢件事。我冇諗過可以同咁多超模同台，覺得好興奮。”Ella笑說自今次有行騷經歷後，已經愛上T台。