王菀之就住打張敬軒

王菀之繼應邀聲演機鐵仔及唱機鐵仔歌《飛得去旅行》後，成為第一位登上機鐵仔全新主題列車參觀的人。王菀之三年冇飛過，今個聖誕節繼續冇得飛，只可以在工作之間抽時間圓旅行夢。她透露稍後將會到日本和美國拍攝與音樂有關的影片，屆時多留兩天自肥。明年將舉行兩個不同形式音樂會的她，五月與管樂團的演出門票一開賣已售出近九成，她高興說：“好驚喜，做呢個音樂會係我其中一個夢想，人生第一次寫一個管弦樂作品，重要由香港管弦樂團演出，主力係一個古典音樂會，冇惗過可以咁多人支持，收到消息後突然好有力量。”

此外，談到張敬軒最近爆料，指跟她合作電影《超神經械劫案下》時發現到她很多“核突嘢”、大開眼界！王菀之說：“我唔知佢見到咩核突嘢，我都大開眼界！最難忘拍呢套戲係要不停打，所以成身傷晒。我哋好多武打場面， 一睇就知雖然有專業人士協助同指導，但係我同張敬軒都唔係呢方面嘅材料 。我哋互打時，我打完就成身傷晒，全身好多地方都出現瘀痕，搞成咁，唔係因為佢打得好，而係我有就住佢，但係佢呢就冇囉。咁辛苦都係希望呢個農曆新年，大家可以入場支持港產賀歲片。”