張天賦開騷唔夠歌壓力大

日前MC（張天賦）作客TVB娛樂新聞台節目《StarTalk》，接受許文軒訪問，大談明年首度舉行紅館個唱的感受。MC說：“壓力來源係自己出道唔耐，亦知道唔夠歌，要應付紅館四面台，壓台感好重要。如果唔淡定，唔夠信心，觀眾係睇得到，所以想向陳蕾請教。佢喺台上唱歌達到忘我境界，好淡定，而且又有台風，要多多向佢學習。台上又唱又跳都好唔容易，體力需求好大，能量亦都要好多，所以今次好大挑戰。自己最唔鍾意做帶氧運動，特別係跑步，又好懶做Gym，嫌太悶太辛苦，但係為咗個演唱會，點都要有一次突破。”

談到與離世爸爸的關係時，MC說：“爸爸由我未出道已經好支持我做音樂，我應承過佢嘅事一定會畀心機去做，一定會繼續努力。其實每一次做音樂會都會預留一張飛畀佢，相信佢到時會睇到我嘅演出。自己能夠出道，攞獎，建立自己歌迷Group，每一次有成績都有好多經歷同心路歷程想同爸爸分享，相信佢喺某一處會知道。”